RURA yavuguruye ibiciro bya Lisansi na Mazutu
Urwego rw’Igihugu Rushinzwe kugenzura Imikorere y’Inzego zimwe z’Imirirmo ifitiye igihugu akamaro(RURA), rwatangaje ko uhereye Tariki ya 03 Mata 2023, saa moya z’umugoroba(19h), Ibiciro by’ibikomoka kuri Peteroli birimo Lisansi na Mazutu byavuguruwe. Lisansi izajya igurishwa 1528 Frw kuri Litiro naho Mazutu igurishwe 1518 Frw kuri Litiro.
Igiciro cya Lisansi na Mazutu byagabanutse ukurikije ibyagenderwagaho kuva Tariki ya 2 Gashyantare 2023. Aho Lisansi yaguraga 1544 Frw kuri Litiro, Mazutu ikagura 1562 kuri Litiro.
RURA ivuga ko iri gabanuka ry’ibiciro rishingiye ku igabanuka ry’ibiciro by’ibikomoka kuri Peteroli rikomeje kugaragara ku isoko mpuzamahanga. Ibiciro bizavugururwa nyuma y’amezi abiri.
@igicumbinews.co.rw
Kanda hasi ukurikire ibiganiro tukugezaho ku Igicumbi News Online TV:
