Manchester City nubwo yatsinzwe Derby byarangiye igeze ku mukino wa nyuma wa Calabao Cup
Manchester city yabaye ikipe ya gatatu igeze ku mukino wa nyuma wa Calabao Cup inshuro eshatu y’ikurikiranya. Hari mukino wo kwishyura wabereye ku kibuga Ethihad, igitego cya Nemanja Matic nicyo cyagaragaye muri uyu mukino ku munota wa 35 ku mupira w’umuterekano warutewe na Fred. Uyu musore wa United yaje kuvanwa mu kibuga ku munota wa 76 kubera ikarita y’umutuku.
City yagerageje kwishyura binyuze ku bakinnyi nka Sergio Aguero na Riyad Mahrez ariko David de Gea ababera ibamba byatumye aba umukinnyi w’umukino. Raheem Sterling yatsinze igitego ku mupira wari utewe na de Bruyne ariko igitambaro cyari cyazamuwe ko Raheem yarariye.
Igitego kimwe ntago cyari gihagije ngo United igere ku mukino wa nyuma kuko yatsinzwe umukino ubanza ibitego bitatu kuri kimwe, byatumye City ikomeza ku giteranyo cy’ibitego bitatu kuri bibiri.
Ikipe ya Guardiola izakina umukino wa nyuma n’ikipe ya Aston Villa ku kibuga Wembley tariki ya 1 Werurwe 2020.
Aya makipe yombi aragaruka mu mikino ya Shampiyona, United izakira Wolves ku wa gatandatu ni mugihe City ifite urugamba rukomeye kuko izajya gusura Tottenham itozwa na Mourinho ku cyumweru.
11 babanjemo ku mpande zombi.
City: 1 Bravo, 2 Walker, 30 Otamendi, 27 Cancelo, 17 De Bruyne, 8 Gündogan, 20 Bernardo Silva, 16Rodri, 7 Sterling, 26 Mahrez, 10 Agüero
United: 1 de Gea, 2 Lindelöf, 5 Maguire, 23 Shaw, 29 Wan-Bissaka, 17 Fred, 31 Matic, 53Williams, 14Lingard, 26 Greenwood, 9 Martial.
Umwanditsi:Dukundane Ildephonse
