Liverpool ikomeje imihigo yo gutsinda
Igitego cya Mohamed Salah ku munota wa 35 kuri penariti ndetse n’ikindi cya Oxlade-Chamberlain ku munota wa 52, ni byo byatandukanije impande zombi, mu mukino w’ikirarane wahuje ikipe ya Liverpool na West Ham ku mugoroba tariki ya 29 Mutarama 2020.
Igitego cya Salah cyari igitego cya 66 muri shampiyona y’Ubwongereza, kuva yagera muri Liverpool m’umwaka wa 2017 ni mu gihe umutoza we Jurgen Klopp yatsindaga umukino wa 150 mu ma rushanwa yose yatoje nk’umutoza wa Liverpool, yanganije imikino 58 atsindwa imikino 39.
Liverpool imaze kubona amanota 70 mu mikino 24, mbere y’uko ukwezi kwa mbere kurangira muri shampiyona y’ikiciro cya mbere mu bwongereza muri uyu mwaka w’imikino, ntayindi kipe yari yarigeze ibikora.
Jurgen Klopp mu kiganiro n’itangazamakuru yagize ati: “ndishimye kuko tubonye amanota atatu, iri joro twakinnye bisanzwe, nta gitegerezo mfite ko haruzadufata mu manota icyo dushyize imbere nukubona amanota menshi kandi haracyari indi mikino, tugiye kuruhuka kuko ku wa gatandatu ni Southampton.”
Uko bamwe bari kubona amanota niko abandi biri kubashyira mu kaga. David Moyes umutoza wa West Ham ubu ari ku mwanya wa 17 ku rutonde, ari hejuru ya Bournemouth na Watford kubera abarusha ibitego azigamye.
Liverpool izakira Southampton ku wa gatandatu tariki ya 1 gashyantare 2020 uwo munsi kandi West Ham izaba yakiriye Brighton muri shampiyona y’Ubwongereza.
Abakinnyi babanjemo kumpande zombi.
West ham: 1 Fabianski, 52 Ngakia, 23 Diop, 21Ogbonna, 3 Cresswell, 26 Masuaku, 11Snodgrass, 41Rice, 16 Noble 10 Lanzini 22 Haller
Liverpool: 1 Alisson, 66 Alexander-Arnold, 12 Gomez, 4 van Dijk, 26 Robertson, 15 Oxlade-Chamberlain, 14Henderson, 5 Wijnaldum, 11 Salah, 9 Firmino, 27 Origi.
