Kenya: Umugore yatawe muri yombi azira kwiyitirira polisi.
Televiziyo yitwa Inoro yari yatumiye mu kiganiro umugore witwa Monica Wamaitha Gitau ,ahageze abo bari bukorane ikiganiro batungurwa no kumubona mu mpuzangano ya polisi kandi atari umupolisi.
Polisi yo muri iki gihugu cya Kenya yahawe amakuru ihita ijya kuri iyo televiziyo ita muri yombi uwo mugore bivugwa ko ari gushaka umwanya mu nteko ishinga amategeko.
Mu rwego rwo kwirinda abiyitirira uru rwego, Polisi ya Kenya irasaba ibitangazamakuru byo muri gihugu kujya bibanza kwaka uburenganizira bwo kuvugisha abapolisi.
