Umurwayi wa Coronavirus yatorotse akato
Inzego z’ubuzima mu Karere ka Kyotera muri Uganda ziri guhiga umuturage wo muri Tanzania watorotse aho yari yashyizwe mu kato nyuma yo gusanga yaranduye Coronavirus.
Uwo muturage yatorotse mu cyumweru gishize ubwo yari amaze gupimwa bakamusangamo Coronavirus, bategereje ko haza imodoka itwara abarwayi ikamugezayo we n’abandi bane ku Bitaro bya Mbarara.
Ibura ry’uwo muturage ryateye impungenge abaturage ba Uganda n’inzego z’ubuzima, bakeka ko yakwanduza abandi.
Barashinja ubuyobozi kugira uruhare mu itoroka ry’uwo murwayi kuko mu Karere ka Kyotera nta kigo kivura abarwayi ba Coronavirus gihari. Ugaragaweho ubwo burwayi yoherezwa mu Bitaro bya Mbarara cyangwa Entebbe kuko Ibitaro bya Masaka byamaze kuzura.
Kuva umurwayi wa mbere wa Coronavirus agaragaye muri Uganda, abantu 457 ni bo bamaze kwandura mu gihe 72 bayikize, banasezererwa mu bitaro.
@igicumbinews.co.rw
