Igitego cya Roberto Firmino cyatumye Liverpool yinjira mu makipe yatangiye umwaka w’imikino neza muri shampiyona 5 zikomeye ku mugabane w’Uburayi
Igitego cya Firmino kumunota wa 37 w’igice cya mbere, nicyo cyatumye Liverpool ifite umukino w’ikirarane, irusha amanota 16 ikipe ya Leicester city iri kumwanya wa kabiri. Liverpool imaze gutsinda imikino 20 mu mikino 21 bamaze gukina, ibi bibaganisha ku gikombe cya shampiyona y’Abongereza baheruka imyaka 30 ishize.
Ibi byose Liverpool yabigezeho iri I London ubwo yatsindaga Tottenham igitego kimwe kubusa. byatumye ikomeza kuyobora urutonde rwa shampiona y’abongereza premier league. Tottenham yarifite ubusatirizi buri hasi, cyane ko rutahizamu wabo Harry Kane ari mu mvune byoroheye Liverpool kugarira izamu ryayo.
Umukinnyi w’umukino (man of the match) yabaye Virgil van Dijk wa Liverpool, uyu amaze gufasha ikipe ye kumara imikino itandatu yikurikiranya itarinjizwa igitego, ibi biheruka kuba umwaka wa 2006.
Umutoza wa Tottenham jose Mourinho yagize ati, “uyu n’umupira w’amaguru, rimwe na rimwe ubona byinshi kubyo warukwiye kubona cyangwa se ukabona bicyeya kubyo warukwiye kubona. Iyi nikipe yambere nziza kw’isi (Liverpool), yariri gukina n’ikipe iri mubihe bibi ifite imvune nyinshi, yatangiye umwaka w’imikino nabi (Spurs).”
Jurgen Klopp nyuma y’umukino yagize ati, “yari intambara ikomeye, ntitwigeze dutuma umukino wacu ugenda gake. Iyo ukina n’ikipe ifite ubushobozi bwo gutsinda nka Tottenham ntago ufunga umukino, kuko bashobora guturuka inyuma bakagutsinda. Umuzamu wacu Allison yatumye umukino utworohera, ninacyo tuba tumwitezeho. Byari byiza ariko ntayandi mahirwe yo gutsinda umukino kurusha kugarira izamu.”
Kuri uyu wa kabiri tariki ya 14 Mutarama 2020, ikipe ya Tottenham irakira Middlesbrough mu kiciro cya gatatu cy’igikombe cya FA Cup, mu gihe ku wa gatandatu tariki ya 18 mutarama 2020, bazaba basuye Wattford bakina shampiyona y’abongereza, naho Liverpool yo itegereje urugamba rukomeye aho izakira Manchester United ku cyumweru tariki ya 19 mutarama 2020.
11 babanjemo kumpande zombie
Tottenham: Gazzaniga, Tanganga, Alderweireld, D Sanchez, Rose, Aurier, Eriksn, Winks, Son Heung-min, Lucas Moura, Alli.
Liverpool: Allison, Arnold, Gomez, Van Dijk, Robertson, Chamberlin, Henderson, Wijnaldum, Salah, Firmino, Mane
Dukundane Ildephonse/Igicumbinews.co.rw
