UEFA yahagaritse amarushanwa yose itegura k’umugabane w’iburayi
Mu nama ishyirahamwe ry’umukino w’umupira w’amaguru, yabaye ejo hashize ku wa gatatu, yemeje ko imikino yose yaba iya Europa League na Champions League ikuweho, kugeza ubwo bazongera gutangaza igihe iyi mikino izasubukurwa.
Ishyirahamwe ry’umukino w’umupira w’amaguru, ryatangaje ko imikino y’ibihugu yari iteganijwe muri uku kwezi kwa Kamena, ndetse n’indi mikino ya playoffs, yari buzerekane amakipe azajya mu gikombe cya Euro 2020, nayo bayikuyeho cyane ko iyi mikino ya Euro 2020, yimuriwe mu mwaka wa 2021.
Imikino ya nyuma ya Champions League ndetse n’indi mikino ya Europa League haba mu bagore ndetse n’abagabo yari iteganijwe muri uku kwezi kwa Gicurasi yose yakuweho.
Inama ya EUFA yongereye amakipe, igihe cyo kuzuza impapuro ziyemerera kuzakina umwaka w’imikino uzakurikira. Nk’uko byatangajwe n’umuyobozi wa Uefa Aleksander Ceferin mu cy’umweru cyashize, yavuze ko mu gihe iyi mukino yageza mu kwezi kwa Kamena itarasubukurwa, uyu mwaka w’imikino uzakurwaho.
DUKUNDANE Ildephonse/Igicumbi News
