Mikel Arteta yishimiye uburyo abakinnyi be bakiri bato bitwaye ku kibuga cya Bournemouth

Ikipe ya Mikel Arteta (Arsenal) yari nziza ku mugoroba wo kuri uyu wa mbere tariki ya 27Mutarama 2020, ubwo yabonaga intsinzi, iyemerera gukomeza mu kiciro cya 5 cy’igikombe cy’igihugu mu Bwongereza FA Cup. N’intsinzi y’ibitego bibiri byo mu gice cya mbere cy’umukino.

Bukayo Saka yatsinze igitego cya mbere ku munota wa 5, ku kazi gakomeye kari gakozwe na Joe Willock afatanije na Martinelli, Eddie Nketiah yatsindiye Arsenal igitego cya kabiri ku munota wa 26.

Sam Surridge waje mu kibuga asimbuye niwe wabonye igitego kimwe cya Bournemouth kumunota wa 4 w’inyongera y’igice cya kabiri, byatumye Arsenal isoza umukino iri ku gitutu ariko muri rusange abarashi ba Arsenal bari ikipe iri hejuru.

Mikel Arteta umutoza w’ikipe ya Arsenal mu magambo ye ati: “ndishimye cyane, narinziko uraza kuba arumukino ukomeye kuko twakinishije ikipe y’abakinnyi bakiri bato, nashakaga kureba uburyo babyitwaramo, ubu ndishimye kuko nabonye ibintu byinshi nakunze.”

Mikel Arteta werekanye umukino mwiza wo kwihuta no guhanahana umupira vuba kandi mukatakana imbaraga, benshi bavuga ko uyu mukino awukura k’uwo yahoze yungirije mu ikipe ya Manchester city Pep Guardiola. Arteta avugako ashaka guha amahirwe abakinnyi bakiri bato bafite impano nka Guendouzi, Saka, Martinelli na Willock wabaye umukinnyi w’umukino.

Ku itariki ya mbere z’ukwakabiri Bournemouth izakira Aston Villa mu gihe Arsenal izajya ku kibuga cya Burnley. Azaba ari ku cyumweru tariki 2 z’ukwa kabiri 2020 mu mikino ya shampiyona y’Ubwongereza izaba yakomeje.

11 babanjemo ku mpande zombi.

Bournemouth: 42 Travers, 15 Smith, 3 S. Cook, 5 Ake, 25 Simpson, 22 Wilson, 6 Surman, 4 Gosling, 16 L. Cook, 24 Fraser na 9 Solanke.

Arsenal: 26 Martinez, 2 Berlin, 20 Mustafi, 5 Papastathopoulos, 77 Saka, 29 Guendouzi, 34 Xhaka, 19 Pepe, 28 Willock, 35 Martinelli na 30 Nketiah.