Ingengabihe y’igihe amakipe azakinira imikino nyafurika

Ishyirahamwe ry’umupira w’amaguru muri Afurika (CAF) ryasohoye kalendari y’amarushanwa ya Interclub muri shampiyona ya 2021/22, izatangira hagati muri Nzeri uyu mwaka.

Ibi bibaye nyuma yamasaha 48 nyuma yigihembwe cya 2020/21 kirangiye muri Maroc aho Al Ahly yo muri Egiputa yanyagiye Kaiser Chief yo muri Africa y’Epfo ibitego 3-0 kuri stade Mohammed V.



Ibihugu byinshi nka Gambiya, Tanzaniya, Maroc, Gana, Dr Congo, Congo na Afurika y’Epfo byabaye ibya nyuma mu gutangaza amakipe azabihagararira mu gihe ibindi bihugu byatanze ayo makipe abihagarariye mbere y’igihe.

Amajonjora ya mbere y’aya marushanwa yombi ateganijwe ku ya 10 na 12 Nzeri 2021.

2020/2021 irangiye Raja Casablanca itwaye Caf confederation cup itsinze ikipe yo muri Alijeriya, JS Kabylie ibitego 3-0 i Cotonou, muri Bénin itwaye igikombe cya kabiri cya CAF Confederation Cup mu myaka itatu.



Lambert Ariana wa Coton Sport de Garoua yarangije ari we watsinze ibitego byinshi n’ibitego birindwi.

Mu gihe muri Caf Champions league, Al Ahly yo muri Egiputa yabaye ikipe yitwaye neza mumateka y’aya marushanwa kuko yatsinze Kaiser Chiefs ibitego 3-0 ikaba ikipe ya mbere muri Africa itwaye iri rushanwa inshuro nyinshi 10 (La Decima).

Mohammed Sheriff yarangije ari we watsinze ibitego byinshi muri aya marushanwa n’ibitego bitandatu, mu gihe umutoza wa Al Ahly, Pisto Mosimane abaye Umutoza wa Afurika witwaye neza mu mateka y’amarushanwa, ndetse n’umutoza wa kabiri watsinze watwaye iki gikombe inshuro 3, inyuma y’umutoza ukomoka muri Porutugali Manuel Jose ufite ibikombe 4.

Amarushanwa azatangira ku ya 10/12 Nzeri 2021 akazarangira ku ya 22/29 Gicurasi 2022.



Didier Maladonna/Igicumbi News 

Kanda hasi ukurikire ibiganiro tukugezaho ku Igicumbi News Online TV: