Abasilamu barwaniye mu Musigiti bituma ufungwa
Ku umugoroba wo kuri uyu wa Mbere, hadutse imirwano y’Abasilamu yabereye mu musigiti uri muri Karitsiye ya 20, muri Zone ya Buyenzi, mu mujyi wa Bujumbura mu gihugu cy’u Burundi.
Imirwano ikiba Polisi yahise ihagera ihita ifunga uwo musigiti.
Radio Bonesha dukesha iyi nkuru, ivuga ko byose byatewe n’abayoboke bashyigikiye uwatsinze amatora yo kuyobora Abasilamu baba Sunite bo mu Burundi witwa Nkejimana Aboubakar, yabaye kuwa Gatandatu w’icyumweru gishize.
Abatishimiye ubwo buyobozi bushyashya bayobowe na Ndekatubane Yousou Kapipi, bavuga ko abo ku uruhande rwa Nkejimana bari baje kwigarurira uwo musigiti, mu gihe bo bafite urupapuro ruvuga ko uwo musigiti ntawe ushobora kuwita uwe.
@igicumbinews.co.rw
Kanda hasi ukurikire ibiganiro tukugezaho ku Igicumbi News Online TV:
