Gicumbi: Harateganywa kubaka isoko ry’inyama rigezweho
Tariki 26 Werurwe 2026, nibwo habaye inama yahuje Akarere ka Gicumbi n’abashoramari ku bufatanye n’Ikigo cy’Igihugu gishinzwe Iterambere (RDB), yabereye ku cyicaro cy’Akarere ka Gicumbi, humvikana abashoramari bifuje ko haboneka amasoko atandukanye harimo n’isoko rigurisha inyama.
Muri iyi nama, abashoramari ndetse n’abandi bari bayirimo bavuze ko hakwiye kubakwa isoko ry’inyama, ku Gaseke kuko Akarere ka Gicumbi nta soko ry’inyama rihari nyamara aka karere karimo kuzamuka vuba mu iterambere.
Guverineri w’Intara y’Amajyaruguru, Mugabowagahunde Jean Maurice, amaze impungenge abanya Gicumbi avuga ko hakwiye gukora ibishoboka byose isoko ryari i Nyabugogo rikaza i Gicumbi. Ati: “Isoko rya Nyabugogo dushobora kuba twarifashe hanyuma rikimukira i Gicumbi, Gaseke. Gaseke twashaka ikibanza kinini hanyuma inyama zikabasha kuboneka neza.”
Mu gihe abashoramari bakomeje kwifuza ibijyanye n’amasoko akwiye kuboneka muri Gicumbi, harimo isoko rya Byumba rishobora no gutangira kuvugururwa vuba.
Ku rundi ruhande, Minisitiri w’Itumanaho n’Ikoranabuhanga na Innovation, Madamu Ingabire Paula, yasabye abashoramari kujya i Gicumbi bakahakorera ishoramari kuko bahakura umusaruro ushimishije.
Emmanuel Niyonizera Moustapha/Igicumbi News
