Kenya: Abanduye Sida nibo benshi barimo guhitanwa na Coronavirus
Minisiteri y’Ubuzima ya Kenya yatangaje ko abantu 11 bishwe na COVID-19, bituma umubare w’abamaze guhitanwa n’iki cyorezo uba 274.
Mu kiganiro n’abanyamakuru kuri uyu wa Gatanu, Umuyobozi Mukuru muri Minisiteri y’Ubuzima, Mercy Mwangangi yavuze ko uretse abapfuye, hari abandi bantu 311 bakize iki cyorezo bagasezererwa mu bitaro.
Yakomeje ati “Tumaze kubona ko umubare munini w’abantu barimo gupfa ari abasanganywe ibindi bibazo by’ubuzima nk’abarwaye diabete, umuvuduko w’amaraso, HIV/AIDS n’izindi.”
“Muri Kenya uyu munsi, mu bantu bose banduye HIV bananduye Coronavirus, ubu nibura 96% muri bo bari guhabwa ubuvuzi buhabwa indembe,”
Kugeza ubu abamaze kwandura Covid-19 muri Kenya ni abantu 16,268 nyuma y’uko abantu 667 basanzwemo iki cyorezo mu masaha 24 ashize. Mu barwayi babonetse harimo abanyakenya 657 n’abanyamahanga 10.
Abamaze gukira Cironavirus muri Kenya bose hamwe ni abantu 7446.
@igicumbinews.co.rw
