27.4.2020: Amakuru mashya kuri Coronavirus mu Rwanda
Abantu 16 basanganywe Coronavirus mu bipimo 1214 byafashwe uyu munsi bituma umubare w’abamaze kwandura mu Rwanda ugera kuri 207, mu gihe abakize biyongereyeho umwe baba 93.
Mu Rwanda hamaze kuboneka abantu 207 banduye kuva icyorezo cya COVID-19 giterwa n’agakoko ka Coronavirus kibonetse ku butaka bwacyo ku wa 14 Werurwe 2020.
Muri aba bantu uko ari 207 harimo ‘16 bashya babonetse mu bipimo 1214’ byafashwe kuri uyu wa Mbere.
Itangazo rya Minisiteri y’Ubuzima rigaragaza ko uwo mubare ugaragaza ‘ubwiyongere bw’imibare y’abanduye mu batwara amakamyo yambukiranya imipaka n’abo bakorana.’
Umubare w’abamaze gukira Coronavirus ni 93 bapimwe bagasangwa nta bwandu bwa Coronavirus bukiri mu mibiri yabo. Aba barimo n’uwasezerewe mu bitaro kuri uyu wa Mbere.
Abarwayi 114 ni bo barwaye aho bari kwitabwaho n’abaganga ndetse bari koroherwa.
@igicumbinews.co.rw
