Video: Inkuru idasanzwe Inyoni yicaye ku mutwe w’umugore ushinjwa kuryamana n’umugabo w’abandi yanga kumuvaho
Hari inkuru itangaje yavugishije benshi muri Sudani y’Epfo, aho umugore umwe ushinjwa kuryamana n’umugabo w’undi mugore yagaragaye afite inyoni yicaye ku mutwe we, ikanga kuguruka nubwo abantu benshi bageragezaga kuyirukana.
Amashusho n’amafoto byafashwe n’abari aho byakwirakwijwe ku mbuga nkoranyambaga, bikurura impaka n’isesengura ritandukanye. Bamwe mu baturage bahise babifata nk’ikimenyetso cy’uburozi cyangwa uburozi bwashowe n’umugore nyir’umugabo, mu rwego rwo guhana uwo bakeka ko yamucaga inyuma.
Hari n’abandi ariko bavuze ko bishobora kuba ari imyitwarire idasanzwe y’inyoni, aho ibikoko rimwe na rimwe bishobora kwitwara mu buryo budasanzwe bigafatwa nk’ibimenyetso by’amayobera.
Abasesengura imibanire n’imyizerere y’abaturage bavuga ko muri Sudani y’Epfo hari imyumvire ikomeye ijyanye n’imyuka, uburozi n’ibimenyetso by’amayobera, bituma ibihe nk’ibi bihabwa ibisobanuro bya gisesenguzi cyangwa byo gusenga.
Kugeza ubu, nta makuru yizewe aremeza inkomoko y’iyi nyoni cyangwa impamvu yifashe ku mutwe w’uwo mugore, ariko ikintu cy’ingenzi ni uko byateje impaka ndende mu baturage ndetse n’ititira rikomeye ku mbuga nkoranyambaga.
Abantu bamwe babibonye babifashe nk’igisubizo cyihuse ku bikorwa byo gucana inyuma n’ingaruka zabyo, mu gihe abandi bavuga ko bitakabaye bifatwa nk’iby’ubupfumu ahubwo bikwiye gusobanurwa mu buryo bwa siyansi.
Ese ibi ni ibimenyetso by’imbaraga zidasanzwe cyangwa imyitwarire isanzwe y’inyoni yabonetse mu buryo butunguranye?. Inkuru ikomeje gukwirakwira, ikaba ikomeje kuvugisha benshi muri Sudani y’Epfo ndetse n’ahandi.
Kanda hasi urebe amashusho uyu mugore inyoni yamuhezeho:
