Company 1 muri 2 zo mu Buyapani ikoresha umasaza wirirwa ku kazi ntacyo akora
Mu Buyapani hamenyekanye ijambo “Madogiwa-zoku,” risobanuye mu magambo nyayo ngo “itsinda ry’abicara ku idirishya.” Iri zina ryatangiwe guhabwa abakozi bakuze bamaze imyaka myinshi bakorera ikigo runaka, ariko bakaza guhabwa imirimo yo ku biro itagira inshingano zifatika.
Mu rwego rwo kubaha icyubahiro no kubashimira imyaka bamaze bitangira ikigo, aho kubahatira gusazishwa ku kazi mbere y’igihe, ibigo byinshi by’Abayapani bihitamo kubashyira ku myanya yoroheje, aho baba bafite ameza yabo ariko badahabwa imirimo ikomeye. Ubusanzwe aba bakozi bashyirwa hafi y’amadirishya, kure y’aho ibikorwa byinshi by’ibanze bibera, ari na ho havuye izina “Madogiwa-zoku.”
Ubushakashatsi bwakozwe n’abahanga mu by’imibereho y’akazi mu Buyapani bwerekanye ko hafi 49% by’amasosiyete 100 akomeye yo mu gihugu akoresha ubu buryo bwo kubungabunga icyubahiro cy’abakozi bakuze. Muri ibyo bigo, harimwo amazina akomeye nka Toyota na Sony, byombi byagiye bigarukwaho mu nkuru z’itangazamakuru ry’Abayapani nk’ingero z’amakompanyi atifuza kwirukana abakozi bakuze mu buryo butunguranye, ahubwo akabashyira mu myanya yoroheje ariko bagakomeza guhembwa no guhabwa agaciro.
Nubwo iyi ngeso rimwe na rimwe inengwa n’ababona ko ari ugutakaza umutungo w’ikigo cyangwa ikintu gishobora gukurura kwiheba ku bakozi, mu muco w’Abayapani ifatwa nk’ikimenyetso cy’ingenzi cyo kudasezerera abakozi bakuru mu buryo bubatunguye, ahubwo bagakomeza kugira icyubahiro mu kazi.
Ibi bigaragaza neza uburyo mu Buyapani ubuzima bw’umukozi bushingiye ku masezerano y’igihe kirekire, uburyohe bwo kuza mu myanya myiza hashingiwe ku myaka n’inararibonye, ndetse no kubungabunga icyubahiro cy’umuntu mu kazi.
Mu gihe mu bindi bihugu abakozi bakuze bahatirwa gusohoka mu kazi, mu Buyapani uburyo bwa “Madogiwa-zoku” bwerekana uburyo bwo guhuza amahame ya kinyamuryango n’akazi, hagamijwe kurinda agaciro n’icyubahiro cy’abageze mu za bukuru.
