Umugabo ufite abagore 9 aravuga ko arimo kugorwa na gahunda yabashyiriyeho yo gutera akabariro

12 Nyakanga 2025 | igicumbinews.co.rw

Umugabo wo muri Brazil witwa Arthur O Urso, uzwi cyane ku mbuga nkoranyambaga kubera ubuzima bwe budasanzwe, yatangaje ko gahunda yihariye yari yakoze yo kugenera buri mugore igihe cy’imibonano mpuzabitsina yamuteje ibibazo bikomeye mu mubano wabo.

Arthur, ufite abagore icyenda bose bashyingiranywe mu buryo bwa symbolic marriage (ubukwe butemewe n’amategeko ariko busangiye indangagaciro n’imihango y’ubukwe), yavuze ko yashyizeho “sex rota”, ni ukuvuga gahunda igena umunsi n’umugore bagomba kuryamana buri joro, mu rwego rwo kwirinda ishyari no guha buri wese agaciro.

Yagize ati: “Iyi gahunda natekerezaga ko izadufasha gukemura amakimbirane yaturukaga ku mugore wumva yirengagijwe. Ariko uko iminsi yagiye ihita, byabaye nk’inshingano aho kuba uburyo bw’urukundo. Byaciye intege urukundo rwanjye n’abagore banjye.”

Arthur avuga ko bamwe mu bagore be batangiye kumva batishimye, abandi bakamubwira ko batajya bumva baryohewe n’imibonano igihe iba iri mu ngengabihe nk’iyo kujya kwa muganga. Ibi byamuteye kongera gusubiramo gahunda ze n’ukuntu agira umubano n’abagore be.

Uretse ibibazo bya gahunda, Arthur yavuze ko kubana n’abagore icyenda na byo ubwabyo bitari byoroshye. Ati: “Ni nk’akazi gahoraho ko kwita ku byifuzo n’amarangamutima y’abantu icyenda batandukanye, bose bashaka guhabwa urukundo, kumvwa no kubahwa.”

Uyu mugabo wahoze ari influencer mu by’imyidagaduro y’abakuze ndetse akanamenyekana nk’umurwanashyaka w’ubwisanzure mu rukundo (polyamory), yigeze gutangaza ko intego ye ari ugusenyera ku muryango wa gakondo umwe w’umugabo n’umugore umwe gusa. Yagize uruhare mu bukangurambaga busaba ko abantu babona urukundo n’imiryango mu buryo bwagutse, hatitawe ku mategeko cyangwa umuco wa kera.

Nubwo abenshi bamunenga bavuga ko ibyo akora bidashingiye ku ndangagaciro za muntu, Arthur avuga ko abayeho mu kuri kwe, kandi ko nubwo ibintu bitoroshye, aticuza inzira yahisemo.

Yashoje agira ati: “Nsigaye ndeba imibonano mpuzabitsina nk’igaragaza urukundo rwimbitse, si igikorwa cyo kwiyemeza gusa. Ntabwo nshaka ko abagore banjye bumva ko ari igice cy’agatwe kabari ku rutonde.”

Inkuru ya Arthur Urso itanga isomo ku birebana n’ubwisanzure mu rukundo n’uko uburyo bwo kugabanya igihe mu rukundo bushobora kutubaka umubano ushingiye ku bwumvikane n’urukundo. Ibyishimo mu mibanire ntibishingira ku ngengabihe, ahubwo bishingira ku kumva no kubahana hagati y’abakundana.

© igicumbinews.co.rw