RURA Yazamuye Igiciro cya Lisansi na Mazutu

Kigali, kuwa 1 Nyakanga 2025

Urwego Ngenzuramikorere mu Rwanda, RURA, rwatangaje izamuka rishya ry’ibiciro bya lisansi na mazutu bizatangira gukurikizwa kuva ku wa Gatatu, tariki ya 2 Nyakanga 2025, guhera saa kumi n’ebyiri za mu gitondo (6:00AM).

Nk’uko byatangajwe mu itangazo ryashyizweho umukono n’Umuyobozi Mukuru wa RURA, RUGIGANA Evariste, ibiciro bishya byashyizweho ni ibi bikurikira:

• Lisansi (Essence): 1,803 Frw kuri litilo
• Mazutu (Diesel): 1,757 Frw kuri litilo

Ibi biciro birimo umusoro ku nyongeragaciro (VAT) ndetse n’ibindi byiciro byose byemewe n’amategeko.

Igereranya ry’Ibiciro: Uko byahindutse mu mezi atatu ashize

RURA isanzwe ivugurura ibiciro by’ibikomoka kuri peteroli buri mezi abiri.ibiciro byari bihari mu mezi ashize byari ibi:

Ibisobanuro by’izamuka rishya (kuva Gicurasi → Nyakanga 2025):

• Lisansi yazamutseho: 124 Frw kuri litilo (↑7.4%)
• Mazutu yazamutseho: 95 Frw kuri litilo (↑5.7%)

Impamvu zitanzwe na RURA

RURA yatangaje ko iri zamuka ryatewe n’ihindagurika ry’ibiciro ku isoko mpuzamahanga ndetse no kugabanya igihombo cyaterwaga na Leta ishyiramo inkunga kugira ngo ibiciro bitaremereye abaturage.

Muri iryo tangazo, RURA yagize iti:

“Mu rwego rwo guhangana n’izamuka ry’ibiciro by’ibikomoka kuri peteroli ku isoko mpuzamahanga no korohereza abaguzi, Guverinoma y’u Rwanda yazigamye mu bubiko bwayo ibikomoka kuri peteroli bihagije, kandi irakomeza gucunga neza ubukungu muri rusange.”